ਮੁੱਲ
ਮੈਨੂੰ ਖਰੀਦਣਾ ਏਂ
ਤਾਂ ਪਹਿਲਾਂ
ਮੁਸਕਰਾ ਕੇ ਦੇਖ
ਮੈਂ ਮੁਫ਼ਤ ਨਹੀਂ ਹਾਂ
***
ਹਿੰਦੁਸਤਾਨ
ਬੇਟਾ
ਕੀ ਕਰ ਰਿਹਾ ਏਂ
ਹਿੰਦੁਸਤਾਨ ਗ਼ਲਤ ਬਣ ਗਿਆ ਸੀ
ਰਬੜ ਨਾਲ ਢਾਹ ਰਿਹਾ ਹਾਂ
***
ਸ਼ਹੀਦ
ਮੈਂ
ਕੱਚੇ ਘਰ ਦੀ
ਲਾਜ ਰੱਖਣ ਲਈ
ਕਿਸੇ ਦੀ ਹਿੱਕ ਤੇ
ਤਿਆਗ ਲਿਖ ਦਿੱਤਾ ਏ
ਸ਼ਹੀਦ ਕਈ ਤਰ੍ਹਾਂ ਦੇ ਹੁੰਦੇ ਨੇ
***
ਮਾਂ
ਇੱਕ ਹਾਕ ਮਾਰ
ਨੰਗੇ ਪੈਰੀਂ ਭੱਜੀ ਆਵੇਗੀ
ਮਾਂ
ਰੱਬ ਤੋਂ ਵੱਡੀ ਹੁੰਦੀ ਏ
ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।