ਭਵਿੱਖ ਬਾਣੀ
ਨਾਥ ਆਖਦਾ ਮੱਝ ਮਿਲੂ ਇਕ ਲੱਖ ਦੀ
ਕਿੱਲੋ ਦੁੱਧ ਪੰਜਾਹ ਦੇ ਨਾਲ਼ ਰਾਂਝੇ
ਮੁਰਗੀ ਬਾਰਾਂ ਸੌ, ਆਂਡਾ ਪੰਝੀਆਂ ਦਾ
ਸਾਢੇ ਸੱਤ ਸੌ ਦਾ ਮੁਰਗਾ ਲਾਲ ਰਾਂਝੇ
ਆਟਾ ਪੰਝੀਆਂ ਦਾ ਜਾਊ ਇਕ ਕਿੱਲੋ
ਅਤੇ ਇਕ ਸੌ ਦੀ ਕਿੱਲੋ ਦਾਲ਼ ਰਾਂਝੇ
ਘਿਉ ਚੂਰੀਆਂ ਖਾਣਗੇ ਲੋਕ ਵਿਰਲੇ
ਮੱਖਣ ਦੁੱਧ ਕੋਈ ਮਾਈ ਦਾ ਲਾਲ ਰਾਂਝੇ
****
ਅਜੋਕਾ ਸੰਸਾਰ
ਸਹਿਣਸ਼ੀਲਤਾ, ਸਬਰ, ਸੰਤੋਖ ਉਡ ਗਏ
ਵਰਤ ਗਈ ਏ ਭੁੱਖ ਅਥਾਹ ਲੋਕੋ
ਨਾਲ਼ ਸਮੇਂ ਦੇ ਕਿਵੇਂ ਸੁਭਾਅ ਬਦਲੇ
ਖੁਸ਼ਕੀ ਖਾਣ ਬੰਦੇ ਖਾਹ ਮ ਖਾਹ ਲੋਕੋ
ਜੁੱਸੇ ਲੋਕਾਂ ਦੇ ਉਂਜ ਤਾਂ ਦਰਸ਼ਨੀ ਨੇ
ਰੂਪੋਸ਼ ਨੇ ਵਿਚੋਂ ਉਤਸ਼ਾਹ ਲੋਕੋ
ਹੀਰ ਦੱਸੇ ਨਾ ਆਪਣੀ ਉਮਰ ਅਸਲੀ
ਦੱਸੇ ਰਾਂਝਾ ਨਾ ਅਸਲ ਤਨਖਾਹ ਲੋਕੋ
****
ਸ਼ੂਗਰ ਰੋਗ
ਖਾਂਦੇ ਪੀਂਦਿਆਂ ਨਿਘਰਦਾ ਜਾਏ ਰਾਂਝਾ
ਵਿੰਹਦੇ ਵਿੰਹਦਿਆਂ ਹੋ ਬੀਮਾਰ ਗਿਆ
ਹੱਟੇ ਕੱਟੇ ਜਵਾਨ ਦਾ ਦਿਨਾਂ ਅੰਦਰ
ਅੱਧੇ ਨਾਲ਼ੋਂ ਵੀ ਘੱਟ ਹੋ ਭਾਰ ਗਿਆ
ਜਦੋਂ ਮਾਹਰਾਂ ਰਾਂਝੇ ਦੀ ਜਾਂਚ ਕੀਤੀ
ਸਾਰਾ ਭੇਤ ਖੁੱਲ੍ਹ ਕੇ ਆ ਬਾਹਰ ਗਿਆ
ਖਾ ਖਾ ਮਿੱਠੀਆਂ ਚੂਰੀਆਂ ਰੋਜ਼ ਰਾਂਝਾ
ਸ਼ੂਗਰ ਰੋਗ ਦਾ ਹੋ ਸਿ਼ਕਾਰ ਗਿਆ
ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।