ਤੂੰ ਤਾਂ ਚਾਹੁੰਦਾ ਸੈਂ ਹਰਿਕ ਘਰੇ ਰੌਣਕਾਂ
ਹਰ ਚਿਹਰਾ ਹੋਵੇ ਖਿੜਿਆ, ਹੀਰਿਆ
ਤੇਰੇ ਬਿਨਾ ਸੁੰਨੀ ਦੁਨੀਆਂ ਓ ਮੇਰੇ ਵੀਰਿਆ
ਖੋਜ ਕੀਤੀ ਜੜ੍ਹੋਂ ਕੈਂਸਰ ਮੁਕਾਉਣ ਦੀ ਤੂੰ
ਲੇਖੇ ਕੀਮਤੀ ਵਕਤ ਲਾ ਗਿਆ
ਕੈਂਸਰ ਮਰੀਜ਼ ਤੇਰਾ ਕਾਲ ਬਣ ਆ ਗਿਆ
ਤੂੰ ਤਾਂ ਕਹਿੰਦਾ ਸੈਂ ਵੀਰ ਸੱਭ ਮੇਰੇ
ਸੁਣ ਕਿਸਮਤ ਹਾਰਿਆ, ਤਾਰਿਆ
ਕਾਹਦਾ ਤੈਥੋਂ ਬਦਲਾ ਲਿਆ ਓ ਜੀਹਨੇ ਮਾਰਿਆ
ਜੀਹਨੂੰ ਮਿਲਿਆ ਤੂੰ ਓਹਦਾ ਹੋ ਕੇ ਰਹਿ ਗਿਆ
ਹਰ ਕੋਈ ਸਿਫਤ ਕਰੇ ਓ ਚੰਗਿਆ
ਰਸਤੇ ਉਦਾਸ ਹੋ ਗਏ ਤੂੰ ਜਿਥੋਂ ਲੰਘਿਆ
ਵੀਰ ਹੁੰਦੇ ਨੇ ਵੀਰਾਂ ਦੀਆਂ ਬਾਹਵਾਂ
ਤੇਰੀਆਂ ਚੜ੍ਹਾਈਆਂ ਦੇਖ ਸੀਨੇ ਤਣ ਗਏ
ਤੇਰੇ ਬਿਨਾ ਵੀਰਿਆ ਓ ਜਿ਼ੰਦਾ ਲਾਸ਼ ਬਣ ਗਏ
ਦੁਖ ਅੰਮੜੀ ਦੇ ਸੁਣਦਾ ਸੈਂ ਸੋਹਣਿਆ
ਵੇ ਬਾਪੂ ਨੂੰ ਸਹਾਰਾ ਤੂੰ ਹਮੇਸ਼ਾ ਲੱਗਣਾ
ਤੇਰੇ ਜਿਹਾ ਸਰਵਣ ਪੁੱਤ ਨਹੀਂਓਂ ਲੱਭਣਾ
ਸਾਹਿਤਕ ਇੰਟਰਨੈੱਟ ਮੈਗਜ਼ੀਨ "ਸ਼ਬਦ ਸਾਂਝ" 'ਤੇ ਆਪਜੀ ਦਾ ਨਿੱਘਾ ਸਵਾਗਤ ਹੈ । ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇਹ ਇੱਕ ਨਿਮਾਣਾ ਜਿਹਾ ਉੱਦਮ ਹੈ । "ਸ਼ਬਦ ਸਾਂਝ" ਦਾ ਕਿਸੇ ਵੀ ਰਾਜਨੀਤਿਕ, ਵਪਾਰਿਕ ਜਾਂ ਧਾਰਮਿਕ ਸੰਸਥਾ ਨਾਲ ਕੋਈ ਸਿੱਧਾ ਜਾਂ ਅਸਿੱਧਾ ਸੰਬੰਧ ਨਹੀਂ ਹੈ । ਆਪ ਜੀ ਦੇ ਹੁੰਗਾਰੇ ਦੀ ਭਰਪੂਰ ਆਸ ਰਹੇਗੀ ।