ਅੱਖਾਂ 'ਚ ਅੱਥਰੂ ਭਰ ਆਉਂਦੇ, ਅਸੀ ਰੋਕੀਏ ਕਿੰਝ ਬਰਸਾਤਾਂ ਨੂੰ
ਹੰਝੂ, ਹੌਕਿਆਂ, ਹਾਵਾਂ ਨੇ, ਮੈਨੂੰ ਪਹਿਲਾਂ ਹੀ ਬੜਾ ਸਤਾਇਆ ਏ
ਕਿਥੇ ਸਾਂਭ ਕੇ ਰੱਖੀਏ ਵੇ, ਤੇਰੀ ਬਿਰਹੋ ਦੀਆਂ ਸੌਗਾਤਾਂ ਨੂੰ
ਤੇਰੀ ਯਾਦ 'ਚ ਬੈਠੇ ਵੇ ਸੱਜਣਾ, ਰਾਤਾਂ ਨੂੰ ਤਾਰੇ ਗਿਣਦੇ ਹਾਂ
ਇਸ ਆਸ 'ਚ ਹਾਂ ਬਰੂਹਾਂ 'ਤੇ, ਤੂੰ ਕਿਤੋ ਆ ਜਾਵੇਂ ਪ੍ਰਭਾਤਾਂ ਨੂੰ
ਦਿਲ ਤਾਂ ਮੇਰਾ ਰੋਂਦਾ ਏ, ਜਦ ਬਿਰਹਾ ਬੜਾ ਸਤਾਉਂਦਾ ਏ
ਕਿੰਝ ਸਮਝਾਈਏ ਸੱਜਣਾਂ ਵੇ, ਮਚਲਦਿਆਂ ਜਜਬਾਤਾਂ ਨੂੰ
"ਨਾਚੀਜ਼" ਨੂੰ ਤੂੰ ਜਿਥੇ ਮਿਲਦਾਂ ਸੈਂ, ਉਹ ਥਾਵਾਂ ਚੇਤੇ ਆਉਦੀਆਂ ਨੇ
ਮੈਂ ਭੁੱਲ ਕੇ ਸੱਜਣਾਂ ਨਹੀਂ ਭੁਲਿਆ, ਪਿਆਰ ਭਰੀਆਂ ਮੁਲਾਕਾਤਾਂ ਨੂੰ
****